Во рамките на програмата за активности во областа на спортот и младите на Град Скопје за 2024 година, ПОЗИТИВО доби поддршка за реализација на проектот „Живот со смисла и цел – ЖИВОТНИ ВЕШТИНИ ЗА МЛАДИ.“ Овој проект има за цел да ги подобри менталното здравје, благосостојбата и личниот развој на младите на возраст од 16-23 години преку обезбедување холистички едукативни работилници.

Цели на проектот:

• Подобрување на менталното здравје и благосостојбата на младите.
• Стекнување на самосвест и самоспознавање, вклучувајќи разбирање на вредностите, силните страни и слабостите.
• Развивање на критичко размислување, комуникација, креативност и решавање проблеми.
• Идентификување и создавање на визија за личен и професионален живот, со поставување СМАРТ цели.
• Промоција на концептот „извонредност во сите аспекти на животот“ за исполнет живот со смисла и цел.

Во рамки на проектот ќе реализираме 1 онлајн работилница за кариерно советување на 27.11 (среда) и 2 работилници со физичко присуство:

Агенда на работилниците:

28.11.2024 (четврток), Работилница 1: „Исполнет живот“

• Таленти и силни страни
• Откривање на сопствената амбиција: Пронаоѓање на Икигаи
• Амбиција и извонредност: RIASEC прашалник
• Поставување на СМАРТ цели

29.11.2024 (петок), Работилница 2: „Влијателен живот“

• Ефикасна тимска работа
• Ефективна комуникација
• Суштината на лидерството
• Како да се стане подобар лидер
• Решавање на вистински предизвици